«Milan» va Gollandiya terma jamoasining afsonaviy yulduzi Ruud Gullit «Barselona» hujumchisi Lionel Messini dunyoning eng yaxshi futbolchisi emas deb hisoblamoqda.
«Maradona Messidan kuchliroq edi. U nafaqat futbolchi, balki yetakchi ham bo‘lgan. U yakka o‘zi qanday g‘alaba qozonish kerakligini bilgan. 1986 yilgi jahon chempionatini eslash kifoya.
Messining o‘yinlarini ko‘rganimda, uning buyuk futbolchi ekaniga guvoh bo‘laman. Biroq u hakamlar, matbuot va reglament tomonidan himoyalangan. Messining o‘yini dribling bilan cheklanib qolgan.
Maradona esa hamma ishni bajargan, ustiga ustak oyog‘ini sindirish payida bo‘lgan himoyachilar bilan ham yakka o‘zi kurashishga majbur bo‘lgan» - dedi Gullit Tribal Football xabarida.
