Урганчнинг «Хоразм» футбол клуби ҳанузгача янги мавсум тайёргарлигини бошламаган.
Биринчи лигада Хоразм вилояти шарафини ҳимоя қилувчи жамоани Умид Тожимов бошчилигидаги мураббийлар штаби тарк этган. Айни пайтда жамоани ким бошқариши номаълумлигича қолмоқда.
Ўтган мавсумда «Хоразм» шарафини ҳимоя қилган бир қатор футболчилар ўзларига бошқа жамоа излаш тараддудига тушиб қолган. Маҳаллий футболчилар эса жисмоний ҳолатини ушлаб туриш учун шахсий машғулотларни ўтказмоқда.
Айни пайтда клубнинг келажаги мавҳумлигича қолмоқда.
