Яқиндагина ўзбекистонлик гроссмейстер Гулруҳбегим Тоҳиржонова Miss Chess CIS сўровномасига қўйилиб, якунда МДҲнинг энг гўзал шахматчиси деб топилганди. Эндиликда шу сўровномани ўтказган нашр иккинчи ишга қўл урди ҳамда Евросиёнинг 2017 йилдаги энг гўзал шахматчисини аниқлашга киришди.
Даъвогарлар орасида ўзбекистонлик Сарвиноз Қурбонбоева ҳам бор. Хабар сайтга жойланаётган вақтда у 93 та овоз билан билан рейтингда бешинчи бўлиб турганди. Пешқадамлик эса тожикистонлик Мутриба Хотамийнинг қўлида. Қўшни республика шахматчиси ҳозирга қадар 341 та овоз тўплаб улгурган.
шахматчилар қандай мезонларга кўра саралаб олинаётганига ойдинлик киритилмаган. МДҲнинг энг гўзал шахматчиси бўлиш учун курашда Гулруҳбегимдан кейинги икки ўринни эгаллаган қирғизистонлик қизлар бу сафар ҳам сўровномага киритилган.
Miss Chess Eurasia—2017 сўровномаси якунига 9 кун вақт бор. Қуйида саралаб олинган 9 нафар шахматчи билан танишиш мумкин. Сўровномада иштирок этиш учун шу ҳаволани босиш керак.
