Бразилия футболи юлдузи Роберто Карлос ватандоши Габриэль Жезусни «Манчестер Сити» таркибида катта ютуқларга эришиши ҳақида гапирди.
«У «Палмейрас»да ажойиб ўйин намойиш этиб, Бразилия чемпиони бўлди. Терма жамоада Неймар билан ёнма-ён ўйнамоқда, натижада ўз маҳоратини янада ошириб олиш имкониятига эга.
«Манчестер Сити»да Серхио Агуэро ва Давид Силва каби жамоадошлари бор. У зўр футболчилар орасига тушиб қолган, бу эса унга янги клуб ва лигага мослашиб кетиш имкониятини беради. Келажакда у дунёнинг энг яхши футболчиларидан бирига айланади» - деди Карлос Marca хабарида.
