Braziliya futboli yulduzi Roberto Karlos vatandoshi Gabriel Jezusni «Manchester Siti» tarkibida katta yutuqlarga erishishi haqida gapirdi.
«U «Palmeyras»da ajoyib o‘yin namoyish etib, Braziliya chempioni bo‘ldi. Terma jamoada Neymar bilan yonma-yon o‘ynamoqda, natijada o‘z mahoratini yanada oshirib olish imkoniyatiga ega.
«Manchester Siti»da Serxio Aguero va David Silva kabi jamoadoshlari bor. U zo‘r futbolchilar orasiga tushib qolgan, bu esa unga yangi klub va ligaga moslashib ketish imkoniyatini beradi. Kelajakda u dunyoning eng yaxshi futbolchilaridan biriga aylanadi» - dedi Karlos Marca xabarida.
