«Барселона» ҳужумчиси Луис Суарес Испания чемпионатининг 20-тури доирасида бўлиб ўтган «Бетис»га қарши ўйинда каталонияликлар юқори савияда ўйнай олмаганини тан олди. Ўйин 1:1 ҳисоби билан якунланган бўлса, ҳакамлар "кўк-анорранглилар"нинг тоза голини инобатга олишмади.
«Рақиб яхши ўйнаганини эътироф этиш лозим. Ғалаба қозониш учун эртароқ уйғонишимиз керак эди. Лекин мезбонлар гол уриш учун бир нечта имкониятларга эга бўлишди. Табиийки, натижа қалбга оғриқ берди, боиси бизга фақат ғалаба керак эди. «Барселона» футболчилари етарли савияда ўйнай олишмаганини ҳис қилиб туришибди. Энди очко йўқотмасликка ҳаракат қилишимиз керак», — дейди уругвайлик футболчи.