«Реал» ҳимоячиси Рафаэль Варан Испания чемпионатидан ўрин олган «Реал Сосьедад» (3:0) клубига қарши ўйиндан сўнг ўз фикрларини айтди.
«Биз жуда мамнунмиз. Чунки уч очкони қўлга киритиш муҳим эди. Мен ҳуштакбозликка қараганда, қарсакларнинг кўпроқ янграганини эшитдим. Мухлисларимизнинг талабчан эканини биламиз, бунга тайёр туришимиз лозим.
Биз яхши ва барқарор ўйнадик, аммо прессингни янада яхшилашимиз лозим. «Севилья» ва «Барселона» билан орадаги фарқни оширдик, демак биз учун омадли куни бўлди» - деди Варан.