«Шахтёр» клуби барча уй ўйинларини Харьковдаги «Металлист» стадионида ўтказадиган бўлди.
Бу ҳақда стадион маъмурияти билан 2017 йил якунигача мўлжалланган шартнома имзоланди.
Энди клуб Украина чемпионати ва кубоги, шунингдек еврокубоклардаги уй ўйинларини Харьковнинг "Металлист" стадионида ўтказади. Бироқ, жамоа Киев шаҳридаги қароргоҳида истиқомат қилиб, Святошино туманида машғулот ўтказишда давом этади.
Эслатиб ўтамиз, «Шахтёр» 2014 йилда Донецкда бошланган ҳарбий ҳаракатлар туфайли, шаҳарни тарк этиб, Львовга кўчиб ўтган эди.