Янги мавсумга жиддий тайёргарлик кўраётган “Қўқон-1912” жамоаси ўз сафини тажрибали футболчилар билан тўлдирмоқда.
Жамоанинг кечаги машғулотида мамлакатимизнинг етакчи ўйинчилари – Ўзбекистоннинг турли терма жамоалари сафида тўп сурган Александр Мерзляков, Руслан Мелезиддинов, Баҳодир Пардаев ва Мурод Холмуҳаммедов иштирок этишди.
Эслатиб ўтамиз, Александр Мерзляков, Руслан Мелезиддинов, Баҳодир Пардаев ўтган мавсумни “Бухоро”жамоасида ўтказиб, бухороликларнинг чемпионатни тўртинчи ўринда якунлашида ўзларининг муносиб ҳиссаларини қўшган. Мурод Холмуҳаммедов эса ўтган мавсумда “Сўғдиёна” шарафини муносиб ҳимоя қилган.
Бу футболчилар билан ҳали шартномалар имзоланмади.
