Мавсумга тайёргарликни Тошкентда олиб бораётган жамоамиз эртага навбатдаги назорат ўйинида майдонга тушади, дея хабар беради "Навбаҳор" жамоасининг расмий сайти.
Бу сафар футболчиларимизга Қозоғистоннинг “Махтаорол” клуби рақиблик қилади. Қозоғистонликларга қарши учрашув соат 12.00да “Оқ-тепа” жамоасига қарашли ўйингоҳда бўлиб ўтади. Навбатдаги ўйин жамоамизнинг мавсумлар оралиғидаги саккизинчи баҳси эканлигини айтиб ўтиш жоиз.
Назорат ўйинларида “Навбаҳор” тўртта учрашувни ғалаба билан якунлаган бўлса икки ўйинда имконият бой берилган. “Машъал” клуби билан эса дуранг кузатилганди. Айни пайтга келиб таркибда эътиборга молик ўзгариш кузатилмаганлигини қўшимча қилиш жоиз.
