Mavsumga tayyorgarlikni Toshkentda olib borayotgan jamoamiz ertaga navbatdagi nazorat o‘yinida maydonga tushadi, deya xabar beradi "Navbahor" jamoasining rasmiy sayti.
Bu safar futbolchilarimizga Qozog‘istonning “Maxtaorol” klubi raqiblik qiladi. Qozog‘istonliklarga qarshi uchrashuv soat 12.00da “Oq-tepa” jamoasiga qarashli o‘yingohda bo‘lib o‘tadi. Navbatdagi o‘yin jamoamizning mavsumlar oralig‘idagi sakkizinchi bahsi ekanligini aytib o‘tish joiz.
Nazorat o‘yinlarida “Navbahor” to‘rtta uchrashuvni g‘alaba bilan yakunlagan bo‘lsa ikki o‘yinda imkoniyat boy berilgan. “Mash’al” klubi bilan esa durang kuzatilgandi. Ayni paytga kelib tarkibda e’tiborga molik o‘zgarish kuzatilmaganligini qo‘shimcha qilish joiz.
