«Навбаҳор»нинг Тошкентдаги йиғини давом этмоқда.
Футболчилар кунига икки маҳалдан ташкил этилаётган машғулотларда қатнашмоқда. Кунинг биринчи ярмида асосий эътибор жисмоний тайёргарликни оширишга қаратилмоқда. Кечки машғулотлар эса Қибрайдаги базада ташкил этилмоқда.
Табиий чим билан қопланган майдондаги машғулотларда жамоа аъзолари кўпроқ тўп билан ишламоқда.
Жамоа назорат ўйинларида ҳам майдонга тушиб, амалиётни шакллантириб бормоқда. Эртага навбатдаги назорат учрашуви ўтказилади. Бу сафар «Навбаҳор»га бир йиллик танаффусдан кейин яна Олий лигага қайтган Самарқанднинг “Динамо” клуби рақиблик қилади.
Ўйин 12 февраль куни соат 11.00да “Оқ-тепа” ўйингоҳида бошланади.
