«Navbahor»ning Toshkentdagi yig‘ini davom etmoqda.
Futbolchilar kuniga ikki mahaldan tashkil etilayotgan mashg‘ulotlarda qatnashmoqda. Kuning birinchi yarmida asosiy e’tibor jismoniy tayyorgarlikni oshirishga qaratilmoqda. Kechki mashg‘ulotlar esa Qibraydagi bazada tashkil etilmoqda.
Tabiiy chim bilan qoplangan maydondagi mashg‘ulotlarda jamoa a’zolari ko‘proq to‘p bilan ishlamoqda.
Jamoa nazorat o‘yinlarida ham maydonga tushib, amaliyotni shakllantirib bormoqda. Ertaga navbatdagi nazorat uchrashuvi o‘tkaziladi. Bu safar «Navbahor»ga bir yillik tanaffusdan keyin yana Oliy ligaga qaytgan Samarqandning “Dinamo” klubi raqiblik qiladi.
O‘yin 12 fevral kuni soat 11.00da “Oq-tepa” o‘yingohida boshlanadi.
