Ёдингизда бўлса, "Камп Ноу"да бўлиб ўтган биринчи давра баҳсида басклар 2:1 ҳисобида ғалаба қозонишганди. Улар бугунги ўйинда ҳам ижобий натижага эришишлари мумкин эди, агар яратилган вазиятлардан фойдалана олишганида. Айниқса, 25-дақиқада Тео Эрнандес яккама-якка вазиятда Тер Штегенни доғда қолдира олмади.
Биринчи бўлим тугашига бир неча дақиқа қолганида "Барселона" иккита гол уришга муваффақ бўлди. Дастлаб Виделнинг узатмасидан кейин Суарес ҳисобни очган бўлса, орадан 3 дақиқа ўтиб дарвозабоннинг хатосидан кейин Неймар дарвозани ишғол қилди.
Иккинчи бўлим бошида "Алавес" футболчилари 2та жуда қулай имкониятдан фойдалана олишмади. Кейин эса каталонияликлар 8 дақиқа ичида — 59-67-дақиқаларида орасида 4та гол уришга муваффақ бўлди. Бу вақт оралиғида мезбонлар концентрацияни йўқотиб қўйишди.
Бугунги баҳсда Луис Суарес "дубл"ни расмийлаштирган бўлса, Месси ва Ракитич ўз ҳисобларига биттадан гол ёзишди. Яна бир гол мезбон ҳимоячиси ҳисобига автогол сифатида қайд этилди.
Ушбу ғалабадан кейин "Барселона" ўз очколарини 48тага етказди ҳамда вақтинчалик бўлса-да жадвалда 1-ўринга кўтарилиб олди.
Испания Ла лигаси, 22-тур
"АЛАВЕС" - "БАРСЕЛОНА" - 0:6 (0:2, 0:4)
Голлар: 0:1 – 37 Суарес, 0:2 – 40 Неймар, 0:3 – 59 Месси, 0:4 – 63, автогол Руано, 0:5 – 65 Ракитич, 0:6 – 67 Суарес.
Алавес – Пачеко, Руано, Тео (Гарсия Карнеро, 87), Вигарай, Лагуардиа, Маркос Льоренте, Торрес, Крстичич (Фемения, 46), Катаи (Ромеро, 57), Сантос, Собрино.
Барселона – тер Стеген, Матье, Умтити (Альба, 66), Динь, Алеиш Видаль, Ракитич, Бускетс (Иньеста, 64), Андре Гомеш (Сержи Роберто, 72), Неймар, Месси, Суарес.
Огоҳлантиришлар: Умтити (6), Бускетс (59), Ракитич (61), Лагуардиа (90).
