Жаҳон Чемпионати–2018 саралаш босқичи иккинчи даврасига тайёргарлик кўриш мақсадида Туркиянинг Анталия шаҳрида қисқа муддатли йиғин ўтказаётган Ўзбекистон миллий терма жамоаси бугун, 11 февраль куни Арманистон чемпиони – «Алашкерт» клубига қарши ўртоқлик ўйини ўтказди.
Учрашув трансляцияси YouTube’даги V SPORT каналида намойиш этилди. Самвел Бабаян жамоаси мазкур беллашувда 0:2 ҳисобида имкониятни бой берди. Ўзбекистон термаси 83 ва 88-дақиқаларда ўз дарвозасидан гол ўтказиб юборди.
Ўзбекистон терма жамоаси Туркиядаги йиғини доирасида дастлабки ўртоқлик учрашувини Россия Премьер-лигаси вакили – «Амкар» клубига қарши ўтказиб, Игорь Сергеевнинг ягона голи эвазига 1:0 ҳисобида зафар қучганди.
