«Реал» ҳимоячиси Серхио Рамос, Чемпионлар лигасидан ўрин олган «Наполи» клубига қарши нимчоракфинал ўйинидан олдин ўз фикрларини айтди.
«Унвонни ҳимоя қилиб, мусобақада яна ғолиб чиқмоқчимиз. Чунки олдин бу ишни ҳеч ким қилолмаган. Бу бизни янада илҳомлантирмоқда.
Биз рақибни ҳурмат қилган ҳолда, қадам бақадам мақсад сари интилишимиз шарт.
Чемпионлар лигасида жуда оғир, чунки барча жамоалар тезкор ўйнайди, қарши ҳужумларни уюштиради. Шу туфайли, ҳимояда эҳтиёт бўлиб ўйнашимиз ва хатога йўл қўймаслигимиз талаб қилинади.
Кейинги босқичга чиқиш учун бор кучимизни ишга соламиз» - деди Рамос клуб расмий сайтида.
