Ла Лига доирасида “Барселона”га қарши кечадиган баҳсга бир ҳафта қолганида (26 феврал) Кевин Гамейро ажойиб спорт формасида эканлигини исботлаб берди.
“Спортинг” Хихонга қарши баҳсда ўйиннинг 62-дақиқасидан бошлаб ҳаракат қилган францийалик ҳужумчи якунда жамоасининг ғалабасини таъминлади.
“ПСЖ”нинг собиқ ўйинчиси Ла Лига тарихидаги энг яхши иккинчи хет-трик муаллифига айланди. Гамейро 4 дақиқаю 46 сонияда “Спортинг” дарвозасига учта гол жойлаб қўйди. Бунгача Бебето 1995 йилда «Албасете»га қарши баҳсда уч дақиқа ичида хет-трик уриб, энг яхши кўрсаткични ўрнатган. Бироқ, Гамейро Давид Вильянинг 2006 йилда амалга оширган хет-трикидан ўзиб кетди. «Валенсия» сафида Давид Вилья «Атлетик» Билбао жамоасига 4 дақиқаю 47 сонияда учта гол урган.
Бу Гамейронинг “Атлетико” Мадрид учун урган биринчи хет-трики ҳисобланади ва унинг ҳисобида ҳозирда Ла Лига доирасида 8 гол бор. Балким ҳужумчи устози Диэго Симеонени “Барселона”га қарши баҳсда илк дақиқалардан уни майдонга туширишига ишонтира олгандир? Маълум ҳолат шуки Гамейро 5 дақиқада хет-тик уриб, мавсум бошидан буён шунча гол урган Фернандо Торреснинг натижасини такрорлади.
Диего Симеоне томонидан ўйин тугашига саноқли сониялар қолганида майдонга туширилаётган францийалик ҳужумчининг фаолияти энди ижобий томонга ўзгарар? Шуниси аниқки, “Барселона”га қарши айнан Гамейро каби кучга тўлган, шиддаткор ҳужумчи керак бўлади. Сўнгги қарор албатта, жамоа бош мураббийи Диего Симеонеда.
