La Liga doirasida “Barselona”ga qarshi kechadigan bahsga bir hafta qolganida (26 fevral) Kevin Gameyro ajoyib sport formasida ekanligini isbotlab berdi.

“Sporting” Xixonga qarshi bahsda o‘yinning 62-daqiqasidan boshlab harakat qilgan fransiyalik hujumchi yakunda jamoasining g‘alabasini ta’minladi.

“PSJ”ning sobiq o‘yinchisi La Liga tarixidagi eng yaxshi ikkinchi xet-trik muallifiga aylandi. Gameyro 4 daqiqayu 46 soniyada “Sporting” darvozasiga uchta gol joylab qo‘ydi. Bungacha Bebeto 1995 yilda «Albasete»ga qarshi bahsda uch daqiqa ichida xet-trik urib, eng yaxshi ko‘rsatkichni o‘rnatgan. Biroq, Gameyro David Vilyaning 2006 yilda amalga oshirgan xet-trikidan o‘zib ketdi. «Valensiya» safida David Vilya «Atletik» Bilbao jamoasiga 4 daqiqayu 47 soniyada uchta gol urgan.

Bu Gameyroning “Atletiko” Madrid uchun urgan birinchi xet-triki hisoblanadi va uning hisobida hozirda La Liga doirasida 8 gol bor. Balkim hujumchi ustozi Diego Simeoneni “Barselona”ga qarshi bahsda ilk daqiqalardan uni maydonga tushirishiga ishontira olgandir? Ma’lum holat shuki Gameyro 5 daqiqada xet-tik urib, mavsum boshidan buyon shuncha gol urgan Fernando Torresning natijasini takrorladi.

Diyego Simeone tomonidan o‘yin tugashiga sanoqli soniyalar qolganida maydonga tushirilayotgan fransiyalik hujumchining faoliyati endi ijobiy tomonga o‘zgarar? Shunisi aniqki, “Barselona”ga qarshi aynan Gameyro kabi kuchga to‘lgan, shiddatkor hujumchi kerak bo‘ladi. So‘nggi qaror albatta, jamoa bosh murabbiyi Diyego Simeoneda.