Бугун жамоамиз қароргоҳида футбол қоидаларидаги ўзгаришлар юзасидан семинар бўлиб ўтди, дея хабар беради "Обод" жамоаси расмий сайти.
Семинарни ФИФА рефериси Владислав Цейтлин олиб борди. Владислав Григорьевич ФИФА инструкторлари томонидан махсус тайёрланган видеороликлар орқали қоидаларга киритилган ўзгаришлар бўйича жамоа аъзоларига тушунча берди. Мураббийлар ва футболчилар ўзларини қизиқтирган саволларга жавоб олдилар.
"Обод" эртага навбатдаги назорат учрашувини ўтказади. "Сергели" сунъий қопламали майдонида бўлиб ўтадиган баҳсда тошкентликларга "Шўртан" рақиб бўлади. Беллашув 10:30да бошланади.
