Европа Лигасининг нимчоракфинал баҳсида “Гент” жамоаси “Генк” билан тўқнаш келадиган бўлди. Клуб номлари ўхшаб кетадиган бундай жамоалар илгари ҳам тўқнаш келганми? УЕФА расмий сайти халқаро мусобақаларда номлари ўхшаш бўлган жамоалар баҳсини эслаб ўтди.
“Гент” – “Генк”
Шарҳловчилар ушбу баҳсда ўз нутқларини тўғри ва равон талаффуз этишлари талаб этилади. Буни эса икки маротаба, 9 ва 16-март кунлари бажаришлари лозим. Зеро, атиги бир ҳарфгина бу клубларни адаштириб юборишга олиб келиши мумкин.
“Атлетико” – “Атлетик”
Испаниянинг ушбу икки жамоаси нафақат Ла Лига доирасида қарама-қарши келишган. 2012-йил Бухарестда бўлиб ўтган Европа Лигаси финалида ҳам ўзаро баҳс олиб боришган.
“Спарта” – “Спартак”
Праганинг “Спарта” ва Москванинг “Спартак” жамоалари Европа Чемпионлар Лигаси ва УЭФА Кубоги доирасида ўзаро 7 маротаба гуруҳ босқичларида тўқнаш келган.
“Селта” – “Селтик”
Вигонинг “Селта” ва Глазгонинг “Селтик” жамоалари номи ўша машхур келт қабилаларига бориб тақалиши барчага маълум. 2002-2003-йилги мавсумда УЭФА Кубоги доирасида бу икки жамоа бир-бирига қарши баҳс олиб борган.
“Рапид” – “Рапид”
1972-1973-йилги мавсумда Вена ва Бухарестнинг “Рапид” жамоалари Кубок эгалари Кубогида тўқнаш келган. Якунда эса битта “Рапид” ғалаба қозонган.
“Рандерс” – “Рангерц”
Даниянинг “Рандерс” Европа доирасидаги мусобақаларда бир неча бор қатнашган. Уларга қарши деярли номдош жамоа “Рангерц” (“Рейнжерс”, Глазго) рўбарў келган. Андорранинг “Рангерц” (“Рейнжерс”) жамоаси билан адаштириб юборманг тағин…
“Лион” – “Ньон”
Камтаргина “Ньон” жамоаси УЕФАнинг Швейцариядаги штаб-квартирасининг рўпарасида жойлашган бўлиб, ҳозирча Ньондан 175 км узоқликда жойлашган “Лион”га қарши ўйнаш имкониятига эга бўлишолмади. Балким, яқин келажакда ўзаро баҳс олиб боришар…
“Арис” – “Парис”
Ҳозирча, на Салоникининг, на Лимасолнинг “Арис” жамоаси Францийанинг “Пари Сен-Жермен” клубига рўбарў келишга мос ўйин кўрсатмоқда.
“Шахтёр” – “Шахтёр”
Баҳтга қарши, УЕФА ҳозирга қадар Донецк (Украина), Қарағанда (Қозоғистон) ва Солигорскнинг (Беларус) “Шахтёр” жамоаларининг ўзаро ўйинларини томоша қилолмасдан келмоқда.
