"Лестер" бош мураббийи вазифасини бажарувчи Крейг Шекспир Англия чемпионатида "Ливерпуль" устидан қозонилган ғалабага (3:1) шарҳ берди.

"Ўйин олдидан чигалёзди машқларда мен футболчиларнинг кўзларида кураш иштиёқини кўрдим. Улар танқидларга муносиб жавоб беришлари керак эди. Жамоа яхши старт олди ва биз биринчи 10-15 дақиқада қойилмақом ўйнадик.

Бизни нима кутиб турганини билмасдим. Вардига рақиб дарвозасига кўпроқ хавф солишини айтгандим. Бу биринчи ўйин, холос, аммо бошланиши ёмон эмас.

Варди ажойиб ўйин кўрсатди. Мен футболчилардан аслида ким эканликларини кўрсатишларини сўрадим.

Мен ҳеч қачон ўйинчиларимнинг профессионал эканликларига шубҳа қилмаганман. Мен уларни машғулотларда кўриб турибман, уларга танқид ёқмагани кўриниб турибди,шу билан бирга у футболчиларга мотивация берди.

Улар охирги ўйинлардаги муваффаққиятсизлаикларда айбдор эканликларини тушуниб туришибди. Ҳозирча биргина ғалабага эришдик. Буни давом эттиришга ҳаракат қиламиз.

Кўрамиз, энди нима бўлади. Ҳозирча бир нима дейишга эрта, ўзгариш бўлса клуб менга хабар қилади", - дейди Шекспир.