"Lester" bosh murabbiyi vazifasini bajaruvchi Kreyg Shekspir Angliya chempionatida "Liverpul" ustidan qozonilgan g‘alabaga (3:1) sharh berdi.
"O‘yin oldidan chigalyozdi mashqlarda men futbolchilarning ko‘zlarida kurash ishtiyoqini ko‘rdim. Ular tanqidlarga munosib javob berishlari kerak edi. Jamoa yaxshi start oldi va biz birinchi 10-15 daqiqada qoyilmaqom o‘ynadik.
Bizni nima kutib turganini bilmasdim. Vardiga raqib darvozasiga ko‘proq xavf solishini aytgandim. Bu birinchi o‘yin, xolos, ammo boshlanishi yomon emas.
Vardi ajoyib o‘yin ko‘rsatdi. Men futbolchilardan aslida kim ekanliklarini ko‘rsatishlarini so‘radim.
Men hech qachon o‘yinchilarimning professional ekanliklariga shubha qilmaganman. Men ularni mashg‘ulotlarda ko‘rib turibman, ularga tanqid yoqmagani ko‘rinib turibdi,shu bilan birga u futbolchilarga motivasiya berdi.
Ular oxirgi o‘yinlardagi muvaffaqqiyatsizlaiklarda aybdor ekanliklarini tushunib turishibdi. Hozircha birgina g‘alabaga erishdik. Buni davom ettirishga harakat qilamiz.
Ko‘ramiz, endi nima bo‘ladi. Hozircha bir nima deyishga erta, o‘zgarish bo‘lsa klub menga xabar qiladi", - deydi Shekspir.
