Чили терма жамоаси мухлислари Алексис Санчеснинг «Арсенал»да қолишидан норози бўлиб, намойиш ўтказишди.
14 минг нафардан ортиқ мухлислар Сантьяго шаҳри кўчаларига чиқиб, ҳужумчининг «Арсенал» клубини тарк этишини талаб қилмоқчи эди.
«Биз Санчеснинг якка ўзи «Арсенал»ни судраб юрганини томоша қилаверишдан чарчадик. Биз уни «Реал» ёки «Барселона»га ўтишини истамаймиз. Уни қаерда тўп суришининг аҳамияти йўқ. Биз унинг ўз елкасида бутун жамоани кўтариб юришини истамаймиз» - дейилган эди мухлисларнинг Фейсбукдаги баёнотида.
Аммо, намойиш ташкилотчилари бу ҳақдаги гапларни ҳазил деб эълон қилганидан сўнг, унга бор йўғи 5 нафар мухлис келди.
