«Металлург» - «Динамо» учрашидан (0:2) кейинги матбуот анжуманида «Динамо» бош мурабббийи Олег Тюлкин саволларга жавоб қайтарди.

- «Мавсумни ғалаба билан бошлаганимиздан жуда хурсандмиз. Бекободда чемпионатнинг очилиш учрашувида «Металлург» жамоасига қарши тўп суриш қанчалик оғирлигини билардик. Кутганимиздек жуда оғир ўйин бўлди ва унда омад биз томонда бўлди ва ғалабага эришдик. Майдоннинг ҳолати яхши эмаслиги боис, ҳар икки жамоа ҳам қийналди.

Биз қарши ҳужум тактикасида тўп суриб, адашмадик. Ёшлардан иборат таркибимиз хатосиз ўйин намойиш этиб, ишончни оқлади. Бизни деб Самарқанддан келган мухлисларга миннатдорчилик билдираман» - дейди Олег Павлович.