"Интер" ҳужумчиси Мауро Икарди 2008 дан 2011 йилгача "Барселона"да кечган фаолиятини эслади.
"Аввалига футбол мен учун хобби эди. Кейин "Барселона"га тушиб қолдим ва ҳаммаси бошланди. Менда бу жамоа ҳақида ёқимли хотиралар қолган. Бу менга А серияда яхши дебют қилишимда ёрдам берган.
Агентим билан маслаҳатлашиб, "Барселона" усули менга тўғри келмайди деган фикрга келдик ва мен у ердан кетдим. Италия футболида ҳаммаси бошқача. Энди келажагим "Интер"да. Бу ерда охиригача қолмоқчиман.
Месси билан бирга ўйнашни истармидим? Ҳа, бу менинг орзум. У дунёда энг яхшиси, мен у билан бирга ўйнашдан фахрланган бўлардим. Роналду эса мен учун ўзга сайёралик. Мен аргентиналик сифатида Мессини энг яхши ҳисоблайман", - дейди Икарди.
