"Ювентус" бош мураббийи Массимилиано Аллегри Италия чемпионатининг 28-турида "Милан" устидан қозонилган ғалабадан сўнг (2:1) фикрлари билан ўртоқлашди.
"Пеналтини кўрмасликни маъқул кўрдим, у тепилаётган вақтда мен туннелга кириб кетдим. Дибала - азамат, Доннаруммага 11-метрдан уриш осонмас, айниқса, унинг бир нечат ажойиб сэйвларидан сўнг.
Мен ҳеч қачон ҳакамларни муҳоккама қилмайман, у менинг жамоам фойдасига бўладими ёки зараригами, фарқи йўқ. Ҳакамлар яқин эди. Пенальти белгиландими, бу ҳакамлар қарори, бу футбол.
Бугун ғалабага муносиб эдик. Умуман олганда биз "Милан"дан яхшироқ ўйнадик. Бу жамоа ҳеч қачон таслим бўлмайди ва бугун катта босимга бардош берди.
Асосийси, биз яхши ўйин кўрсатдик, мавсумдаги энг яхшиларидан бирини. Яна қаторасига олтинчи скудеттога бир қадам яқинлашдик", - дейди Аллегри.
