"Барселона" бош мураббийи Луис Энрике Испания чемпионатининг 27-турида "Депортиво"дан учралган мағлубият (1:2) ҳақида гапирди.

"Бу ҳафтадаги воқеаларни биз билан бошидан кечирганларгина буни тушуниши мумкин. Профессионаллар бундай вазиятда ўзларини қандай тутишларини билишлари лозим. Олдимизда ўйинлар кўп.

Қийин бўлишини билган эдик, чунки ўтган ўйиндаги воқеалар ҳар доим навбатдаги ўйинга таъсир қилади.

"ПСЖ" устидан қозонилган ғалаба бизга таъсир қилиши маълум эди. "Депортиво"га қарши ўйинни ёмон бошламадик, уларнинг ўйин усулидан фойдаланишга ҳаракат қилдик. Яхши вазиятлар бўлди, аммо улардан фойдалана олмадик. Хатоларга йўл қўйиб, дарвозамиздан гол ўтказиб юбордик.

Бу мағлубиятни қабул қилиш ва кейинги ўйинларга тайёрланиш керак. Охирги турлар жуда қийин бўлади.

"Депортиво"га қарши ўйин формамизни сақлаб туриш борасида муҳим эди, аммо мағлубият ачинарли бўлди. Рақибларга қанчалик яхши эканимизни кўрсатмоқчи эдик аммо ёмон ўйнадик", - дейди Энрике.