"Barselona" bosh murabbiyi Luis Enrike Ispaniya chempionatining 27-turida "Deportivo"dan uchralgan mag‘lubiyat (1:2) haqida gapirdi.

"Bu haftadagi voqealarni biz bilan boshidan kechirganlargina buni tushunishi mumkin. Professionallar bunday vaziyatda o‘zlarini qanday tutishlarini bilishlari lozim. Oldimizda o‘yinlar ko‘p.

Qiyin bo‘lishini bilgan edik, chunki o‘tgan o‘yindagi voqealar har doim navbatdagi o‘yinga ta’sir qiladi.

"PSJ" ustidan qozonilgan g‘alaba bizga ta’sir qilishi ma’lum edi. "Deportivo"ga qarshi o‘yinni yomon boshlamadik, ularning o‘yin usulidan foydalanishga harakat qildik. Yaxshi vaziyatlar bo‘ldi, ammo ulardan foydalana olmadik. Xatolarga yo‘l qo‘yib, darvozamizdan gol o‘tkazib yubordik.

Bu mag‘lubiyatni qabul qilish va keyingi o‘yinlarga tayyorlanish kerak. Oxirgi turlar juda qiyin bo‘ladi.

"Deportivo"ga qarshi o‘yin formamizni saqlab turish borasida muhim edi, ammo mag‘lubiyat achinarli bo‘ldi. Raqiblarga qanchalik yaxshi ekanimizni ko‘rsatmoqchi edik ammo yomon o‘ynadik", - deydi Enrike.