"Ювентус" бош мураббийи Массимилиано Аллегри ЕЧЛ 1/8 финалининг жавоб учрашувида "Порту" устидан қозонилган ғалабага (1:0) қарамай, ўз шогирдлари ўйинидан норзи бўлди.

Икки ўйин натижасига кўра, туринликлар мусобақанинг чорак финалига йўл олдилар (3:0).

"Клубимиз чорак финал йўлланмасини ҳал қилди, энди олдинда ким билан ўйнашимизни кутамиз. Аммо "Ювентус" ўз ўйини сифатини ошириши керак. Бугун иккинчи бўлимда ўйинимиз жуда ёмон чиқди. Натижа - ҳамма нарса дегани эмас. Биринчи бўлимда ақл билан ўйнаган ва хатога йўл қўймаган бўлсак, иккинчисида, кўпчилик бўла туриб, ҳужумда ёмон ўйнадик, ҳимоямиз ҳам пароканда бўлди. "Порту" бизни икки марта жазолаши мумкин эди.

Биз икки нарсадан бирини танлашимиз керак: ё кўпроқ гол уришимиз керак, ё рақибга уйғониш имкониятини бермай, тўпни аниқ назорат қилишимиз керак. Бугун униси ҳам, буниси ҳам бўлмади. Якунда кам куч сарфлаб натижага эришдик. Иккинчи бўлим менга ёқмади. Биз жуда шошдик, хатолар қилдик, аммо энди машғулотларда ниманинг устида ишлашни биламиз", - дейди Аллегри.