"Yuventus" bosh murabbiyi Massimiliano Allegri YECHL 1/8 finalining javob uchrashuvida "Portu" ustidan qozonilgan g‘alabaga (1:0) qaramay, o‘z shogirdlari o‘yinidan norzi bo‘ldi.
Ikki o‘yin natijasiga ko‘ra, turinliklar musobaqaning chorak finaliga yo‘l oldilar (3:0).
"Klubimiz chorak final yo‘llanmasini hal qildi, endi oldinda kim bilan o‘ynashimizni kutamiz. Ammo "Yuventus" o‘z o‘yini sifatini oshirishi kerak. Bugun ikkinchi bo‘limda o‘yinimiz juda yomon chiqdi. Natija - hamma narsa degani emas. Birinchi bo‘limda aql bilan o‘ynagan va xatoga yo‘l qo‘ymagan bo‘lsak, ikkinchisida, ko‘pchilik bo‘la turib, hujumda yomon o‘ynadik, himoyamiz ham parokanda bo‘ldi. "Portu" bizni ikki marta jazolashi mumkin edi.
Biz ikki narsadan birini tanlashimiz kerak: yo ko‘proq gol urishimiz kerak, yo raqibga uyg‘onish imkoniyatini bermay, to‘pni aniq nazorat qilishimiz kerak. Bugun unisi ham, bunisi ham bo‘lmadi. Yakunda kam kuch sarflab natijaga erishdik. Ikkinchi bo‘lim menga yoqmadi. Biz juda shoshdik, xatolar qildik, ammo endi mashg‘ulotlarda nimaning ustida ishlashni bilamiz", - deydi Allegri.
