"Реал" клуби дарвозабон Жанлуижи Доннарумманинг трансфери бўйича "Милан"га таклиф билан чиқди ва рад жавобини олди, дея хабар беради Football Italia.
"Милан" февраль ойида 18 ёшга тўлиб, мустақил шартнома имзолаш имкониятига эга бўлган дарвозабон билан музокараларни давом эттиряпти.
Доннарумманинг агенти Мино Райола ҳозирча "Милан"нинг шартларини қабул қилишга шошилмаяпти ва клубнинг хитойлик инвесторларга сотилиши ишларини ниҳоясига етишини кутяпти.
Хабарларга кўра, Доннарумманинг биринчи шартномаси узоқ муддатга тузилмайди. У йиллик 3 млн евро маош билан 2020 йилгача шартнома имзолаши мумкин.
Доннарумма ҳозиргача "Милан"да 62 та учрашув ўтказишга улгурди.
