Мексика чемпионатида футболда камдан-кам учрайдиган ҳодиса рўй берди.
«Америка» - «Морелия» ўйинида ҳисоб 1:0 бўлиб турганида, меҳмонларнинг ҳужумидан сўнг бош ҳакам пенальти белгилади. Унинг фикрига кўра, тўп жарима майдони ичида ҳимоячининг қўлига теккан эди.
Аммо меҳмонлар ҳужумчиси бош ҳакам олдига бориб, тўп ҳимоячининг қўлига эмас, балки орқасига текканини айтди. Натижада, бош ҳакам унга миннатдорчилик билдириб, пенальтини бекор қилди.
Иккинчи бўлимда «Америка» яна бир гол уриб, 2:0 ҳисобида ғалаба қозонди.
