Аргенитна футбол федерацияси Лионель Мессига нисбатан чиқарилган ФИФА қарори юзасидан апелляция бермоқчи.

Эслатиб ўтамиз, 29 ёшли футболчи Чилига қарши ўйинда қанот ҳакамини ҳақорат қилгани боис 4та ўйинга дисквалификация қилганди. Боливияга қарши ўйинда Мессисиз ўйнашга мажбур бўлган аргентиналиклар 0:2 ҳисобида имкониятни бой беришди. Шунингдек, Лионель 9350 евро миқдорида жаримага тортилди.

«Бундай қарор бизни ҳайрон қолдирди. Боливия билан ўйин бошланишига бир неча соат қолганидан бундай қарорнинг чиқарилганидан норози бўлдик.

Биз апелляция берамиз. Бунга ўхшаш вазиятлар футболда кўп бўлган ва биз дисквалификация муддатининг қисқартирилишидан умидвормиз», – дея баёнот берди Аргентина футбол федерацияси бош котиби Хорхе Мьядоски.

Аввалроқ Аргентина - Чили ўйинини бошқарган барча ҳакамлар Мессидан ҳақорат сўзи эшитишмаганини айтишганди.