Машҳур футбол агенти Шандор Варга «Арсенал» бош мураббийи Арсен Венгер ҳақида гапирди.
«Венгер билан учрашдим. Кайфияти яхши, ишчан. Албатта сўнгги ўйинлардаги қониқарсиз натижалар у ҳақдаги салбий фикрларни кўпайтирмоқда. Баъзилар унинг истеъфосини талаб қилиб баннерлар кўтаришди. Лекин улар бор йўғи 5%ни ташкил қилади.
«Арсенал»нинг кўпчилик мухлислари уни қўллаб-қувватламоқда. Раҳбарият уни қолишини истамоқда, аммо у исталган пайтда жамоани тарк этиб, «Реал», «Барселона» ёки бошқа клубларга ўтиб кетиши мумкин. Унинг ютуқларига кўз юмиб бўлмайди. Венгер - «Арсенал»нинг энг муваффақиятли мураббийи» - деди Варга.
