"Динамо" - "Навбаҳор" (0:1) учрашувининг 76-дақиқасида меҳмонлар футболчиси Ойбек Қиличев майдондан четлатилган эди.
Ўша вазиятда футболчи ўз ўрнини Дарко Станоевичга бўшатиб бераётганди. Вақтдан ютиш мақсадида Қиличев нисбатан секин юриб майдонни тарк этиши самарқандликлар мухлисларнинг асабига теккан ва футболчи шаънига номаъқбул сўзлар айтилган. Ойбек ҳам бўш келмай мухлисларга беҳаё ишора қилган ва ҳакам томонидан қизил карточка билан сийланган эди.
Аниқки, Қиличев навбатдаги турда "Машъал"га қарши майдонга тушмайди. Бундай ҳатти-ҳаракат учун ЎзПФЛ футболчини камида 2 учрашувга дисквалификация қилиши мумкин.
