Пойтахтимиздаги “Ўзбекистон” спорт мажмуасида бокс бўйича нуфузли турнир – Бутунжаҳон бокс серияси (WСВ) навбатдаги турида мамлакатимиз шарафини ҳимоя қилаётган “Uzbek Tigers” жамоаси Қозоғистоннинг “Астана Арланс” жамоаси билан куч синашди ва 4:1 ҳисобида ғалаба қозонди.
Мазкур жангларда -75 кг вазн тоифасида иштирок этган спортчимиз Исроил Мадримов рақиби Сапарбай Айдаровни катта устунлик билан мағлубиятга учратди. Бу ғалабаси орқали спортчимиз ҳафтанинг энг яхши боксчиси бўлиш учун номзодга айланди ва бу борада ўтказиладиган сўровномага киритилди. Ушбу сўровномада боксчимизга Дос Сантос (Колумбия) ҳамда Осли Иглесиас (Куба) рақиблик қилади.
