«Барселона» ҳужумчиси Лионель Месси собиқ бош мураббий Хосеп Гвардиоланинг шаънига илиқ сўзларни гапирди.
«Мен ва жамоадошларим Гвардиола тузган жамоанинг бир қисми бўлганимиздан фахрланамиз. У билан деярли барча совринларни қўлга киритган эдик. Гвардиола ҳар биримизнинг энг яхши ҳислатларимизни намоён қилиш учун зарур бўлган ўйиннинг шакли ва мувозанатини топган эди» - деди Месси Esquire хабарида.
Эслатиб ўтамиз, Гвардиола «Барселона»ни 2008 – 2012 йиллар давомида бошқарган. Унинг қўли остида жамоа Испания чемпионатида (2008/09, 2009/10, 2010/11), кубогида (2008/09, 2011/12), Чемпионлар лигасида (2008/09, 2010/11) ва клублар ўртасидаги жаҳон чемпионатида (2009, 2011) ғолиб чиққан.
