«Ювентус» ҳужумчиси Гонсало Игуаин Италия чемпионатининг 31-тури доирасида «Кьево»га қарши ўйин (2:0)дан кейин ўз фикрларини билдириб ўтди.
«Энди биз эътиборимизни "Барселона"га қарши ўйинга тайёргарликка қаратишимиз мумкин. Бўлажак ўйинда яхши формада бўлишга ҳаракат қиламиз. Биз хотиржам бўлишимиз керак. Боиси юқори савиядаги жамоага қарши мураккаб ўйин кутиб турибди. Улар бизни ҳурмат қилганидек, биз ҳам уларни ҳурмат қиламиз», — деди Игуаин.
Чемпионлар лигасининг чорак финал босқичи доирасида «Ювентус» ўз майдонида «Барселона»ни қабул қилади. Ўйин 11 апрель куни 23:45да бошланади.