Италиянинг "Интер" жамоаси собиқ бош мураббийи Роберто Манчини клуб раҳбариятини танқид қилди.
"Интер"да бир қанча тажрибали ва аъло даражадаги футболчилар фаолият олиб боришади, аммо раҳбарлар ҳақида бундай деб бўлмайди.
У ерда қандайдир оммавий тартибсизлик ҳукмрон, ҳеч нарсани тушуниб бўлмайди. Асосан, улар қандай ишлашни билишмайди.
Бу босқичдан ўтганман. Мен билан ҳаддан зиёд қўпол муомалада бўлишдими? Йўқ, кетиш ҳақидаги қарорни ўзим қабул қилганман.
Июлдан августгача бошқармадаги ўша тартибсизликнинг энг марказида бўлганман. Жамоа ичида нима рўй бераётганини тушуниб олиш қийин эди.
Кетиш бўйича бир тўхтамга келишда қийналдим, кайфиятим тушиб кетганди. "Интер" билан яна ғалабаларга эришишни истагандим, аммо бунинг учун вақт талаб қилинарди", - дейди Манчини.
