«Барселона» ҳужумчиси Неймар ОАВда тарқатилган хабарни инкор қилди. Унга кўра, "Ювентус" қарши ўйиндан (0:3) кейин каталонияликлар бош мураббийи Неймар, Пике ва Маскеранони танқид остига олган.
«Аниқ бир футболчига қаратилган танқид бўлмади. Танқид бутун жамоага қаратилди. Бу жамоавий спорт тури. Биз ёмон ўйнадик», — деди Неймар Esporte Interativo нашрига берган интервьюсида.
«Барселона» ва «Ювентус» ўртасидаги жавоб ўйини 19 апрель куни бўлиб ўтади.