«Атлетико» клуби Испания Ла Лигасидан ўрин олган «Осасуна»га (3:0) қарши ўйинда бир эмас, иккита пенальтини амалга ошира олмади.
Ўйиннинг 89 ва 90-дақиқаларида белгиланган пенальтини Карраско ва Томас амалга оширишга уриниб кўрди. Бироқ ҳар иккала зарбаниям дарвозабон Сиригу қайтаришга муваффақ бўлди.
Бу билан «Атлетико» Ла лига ўйинларида қаторасига 6-марта пенальтидан гол уролмаяпти. Октябрь ойидан буён давом этиб келаётган серияда Габи, Торрес, Феррейра-Карраско, Партей ва Гризманн (2 марта) «нуқта»дан адашишганди.
Қизиғи шундаки, мадридликлар бу ўйинларда бирор марта очко йўқотишмаган.
