«Бавария» клуби УЕФА ташкилотига Чемпионлар лигасидан ўрин олган «Реал» (2:4) клубига қарши ўйиндаги воқеалар юзасидан расмий шикоят жўнатди.
Мюнхенликлар Испания полициясининг «Сантьяго Бернабеу» стадионидаги ҳаракатларидан норози бўлган.
Аввалроқ, «Бавария» мухлислари ўтирган секторда жанжал ва муштлашув келиб чиққани, полиция эса уни 1 дақиқа ичида тўхтатгани ҳақида хабарлар чиққан эди.
«Бавария» Испания полициясининг ҳаракатларини ноўрин ва қуюшқондан чиқиш деб ҳисоблайди. Клуб бу можаро юзасидан УЕФАга шикоят жўнатади. Бундан ташқари, расмий идоралардан тушунтириш талаб қилади» - дейилади клубнинг расмий баёнотида.
