«Монако» спорт директори Антонио Кордона ҳужумчи Килиан Мбаппенинг «Реал»га ўтиши ҳақидаги хабарларга изоҳ берди.
«Ҳақиқат шуки, «Реал» Мбаппе юзасидан биз билан боғланмади. Умид қиламанки, Килиан бизни тарк этмайди ва кўп йиллар давомида мухлисларимизга қувонч улашади. Унинг ютуқларини ҳаммамиз кўрмоқдамиз, вақт ўтиши билан у янада кучаяди. Биз унинг қолишини истаймиз, бироқ трансфер бозори қандай ишлашини тушунамиз. Мбаппенинг шартномасида товон пули белгиланган, у жуда катта миқдордадир» - деди Кордона Cadena SER хабарида.
