«Бавария» ҳужумчиси Роберт Левандовски Чемпионлар лигаси чоракфиналидан сўнг «Реал» президенти Флорентино Перес билан учрашган.
Футболчининг агенти Цезари Кухарски бу ҳақда батафсил маълумот берди.
«Левандовски ўйиндан сўнг ҳакамлар хонасида жанжал уюштирмади. Бу испаниялик журналистнинг уйдирмаси. Агар бу ҳолат юз берганида «Бавария» футболчилари жиддий жазоланиши мумкин эди. Майдонда ҳакамларга бақирган бўлиши мумкин, лекин ичкарида эмас.
Левандовски Перес билан гаплашди, бу рост. Бунга гувоҳлар бор. У «Боруссия»да ўйнаб юрган пайтлари ҳам, ўйиндан сўнг Перес билан гаплашар эди. Президент ундан ҳол-аҳвол сўради, хусусан елкасидаги жароҳат билан қизиқди. Левандовски испанчада фақат шу гапларни тушунди» - деди Кухарски Sport.pl хабарида.
