Эртага “Альянц Арена” стадионида Германия Кубоки ярим финал босқичидан ўрин олган“Бавария” ва Дортмунднинг“Боруссия” клублари ўртасида учрашув бўлиб ўтади.
Мазкур учрашувдан олдин “Бавария” ярим ҳимоячиси Арьен Роббен бўлажак ўйин ҳақида ўз фикрларини билдириб ўтди.
“Бизни эртага қийин ўйин кутиб турибди. Агар “Бавария” 100 фоиз имкониятларини ишлата олса, албатта, “Боруссия”ни мағлуб эта олади. Мен доим муҳим ўйинларда майдонга тушиб, жамоага ёрдам беришни ёқтираман. Биз майдонда бор кучимиз билан ҳаракатланишимиз ва ғалаба қозониш учун тайёрмиз. Учрашув бошланишини сабрсизлик билан кутмоқдаман”, - дейди Роббен.
