"Манчестер Юнайтед" дарвозабони Давид Де Ҳеа ўзини "Реал"га қўйиб юборишларини сўраб клуб раҳбариятига мурожаат қилмаган.
Бу ҳақида The Telegraph "МЮ"даги манбалар ва футболчининг яқиниларига таяниб хабар бермоқда.
Кеча Испаниянинг Marca газетаси Де Ҳеа мадридликлар билан шахсий шартнома борасида келишиб олгани ва "МЮ" раҳбариятидан ўзини "Реал"га қўйиб юборишларини сўрагани ҳақида хабар қилган эди.
"МЮ" Де Ҳеани қўйиб юбормоқчимас, аммо трансфер барибир амалга ошса ҳам манчестерликлар устози Жозе Моуриньо келишувга ҳужумчи Альваро Моратанинг қўшилишини талаб қилади.
