"Атлетико" устози Диего Симеоне Европа Чемпионлар лигаси яримфиналидан ўрин олган "Реал Мадрид"га қарши баҳсдан аввал ўз фикрлари билан ўртоқлашди.
"Мен доимо ўйинлардан олдин ҳаяжонланаман. Ҳамма нарсани унутаман, лекин бу табиий ҳолат, ахир ҳаммамиз ҳам босим остидамиз. Мен жамоа олдида кучли масъулият сезаяпман ва у тобора ошиб бормоқда. Бундай қўрқув менда қандай рақиб ва турнир бўлишидан қатъий назар ҳар доим учраган.
"Реал" ўз майдонида тўп суради ва албатта дастлабки дақиқаларданоқ ҳужумга зўр беради. Улар турли схемада Иско билан Хамес ёки Асенсио билан ўйнашлари мумкин.
"Реал" тезкор гол уришга интилиши аниқ. Биз эса совуққонликни сақлаб, ўз ўйинимизга содиқ қолишимиз керак. Баҳс муросасиз ўтиши аниқ. Мен умид қиламанки, биз ўзимиз учун яратган вазиятлардан фойдалана оламиз", - деди Диего Симеоне.
