Осиё чемпионатининг чорак финал босқичида ўзбекистонлик 10 нафар боксчининг барчаси бугун — 3 май куни рингга кўтарилади.
Куннинг биринчи жангида Рио—2016 совриндори Мурод Аҳмадалиев Бутандан ташриф буюрган Нима Доржига қарши рингга чиқди ва рақибини икки бор нокдаун ҳолатига тушира олди. Иккинчи нокдаундан кейин бутанлик мураббийлар рингга оқ сочиқ отишга мажбур бўлди.
Шу тариқа ўзбекистонлик чарм қўлқоп устаси Германияда бўлиб ўтадиган бокс бўйича Жаҳон чемпионатига йўлланмани нақд қилди. Энди Аҳмадалиев қитъа чемпионатининг финали учун жанубий кореялик Ёнг Хун Ханга қарши жанг қилади.
3 май кунги жанглар-56 кг: Мурод Аҳмадалиев — Нима Доржи (Бутан) — нокаут
-91 кг: Санжар Турсунов — Василий Левит (Қозоғистон) — 11:45
-49 кг: Ҳасанбой Дўстматов — Жомарт Ержан (Қозоғистон) — 14:00
-60 кг: Элнур Абдураимов — Фарранд Папенданг (Ҳиндистон) — 15:30
-64 кг: Иқбол Холдоров — Хунг Минг Пан (Хитой Тайпейи) — 16:15
-75 кг: Исроил Мадримов — Эумир Марсиал (Филиппин) — 17:30
-52 кг: Жасур Латипов — Синг Бишт (Ҳиндистон) — 19:00
-69 кг: Шаҳрам Ғиёсов — Сеон Хёнг Ли (Жанубий Корея) — 19:45
-81 кг: Бектемир Мелиқўзиев — Шагбоз Негматуллоев (Тожикистон) — 20:45
+91 кг: Баҳодир Жалолов — Дохеон Ким (Жанубий Корея) — 21:45
