Олий лиганинг 9-туридан ўрин олган "Навбаҳор" - "Локомотив" (2:2) ўйинидан сўнг Азизбек Турғунбоев ўз фикрларини билдирди.

Футболчи мезбонларни мағлубиятдан қутқариб қолган голга муаллифлик қилган эди.

"Ўйин ажойиб руҳда ўтди. "Локомотив"га қарши қийин учрашув ўтказдик. Қолаверса ушбу рақиб билан мусобақа жадвалида қимматли очколар учун кураш олиб бормоқдамиз. Худога шукур, "Навбаҳор"даги биринчи голимни ҳам уришга муваффақ бўлдим. Дилимдан ўтказган хиссиётларимни таърифлашга тил ожиз! Худо хоҳласа, кейинги учрашувларда ҳам гол уриб, жамоамга фойда келтиришга ҳаракат қиламан. Барча жамоадошларимнинг мақсади - "Навбаҳор"ни юқори ўринларга олиб чиқишдир! Фурсатдан фойдаланиб, бизни 90 дақиқа давомида қўллаб-қувватлаб келган жонкуяр ишқибозларимизга ҳам катта рахмат айтмоқчиман" - деди Турғунбоев.