Олий лига 9-туридан ўрин олган «Қўқон-1912» - «Пахтакор» (1:1) ўйинидан кейин меҳмонлар устози Жасур Абдураимов ўз фикрларини айтди.

«Ўйин кескин ва қизиқ тарзда кечди. Стадионга келган мухлислар шиддатли футбол гувоҳи бўлишди. Якунда бизга омад кулиб боқмади. «Иккинчи бўлимда суръатни ошириб, ташаббусга эришдик. Йигитлар бор кучи билан ғалаба учун интилишди. Иккинчи бўлимда руҳан ўзгардик. Футболда натижа кўп нарсаларга боғлиқ, кўплаб жиҳатлар ҳисобга таъсир ўтказади. Бугун биз футбол ўйнашга ҳаракат қилдик. Охирги дақиқаларгача курашдик. Футболда жамоа оилага айланиши керак. Акс ҳолда, ҳар қандай тактика фойда келтирмайди. Мен бизда жамоавий ўйиннинг ўсишини кўряпман» - деди Абдураимов.